Дэлхийн загварын салбарт амжилттай ажиллаж, эх орныхоо нэрийг хийж бүтээсэн үйл хэргээрээ сайнаар дуудуулан яваа олон загвар өмсөгчид манай бий.
Тэдний нэг бол Д.Оюунномин буюу Нора. Тэрээр олон улсын нэр хүндтэй томоохон загварын шоунуудад оролцож, брэндийн нүүр царай болж, мөн том хэмжээний зураг авалтуудад оролцсоор яваа мэргэжлийн модель гэдгийг бид хэдийнээ мэддэг болсон.
Нора АНУ-ын Нью Йорк хотноо “Fashion institute of technology” сургуульд мэргэжлийн загварын зурагчин мэргэжлээр суралцсан.
Харин загварын салбарт арвин баялаг туршлагатай тэрээр элэглэх авьяастай нэгэн бололтой.
Тэрээр UB Comedy-ын залуусын урилгаар “Миний анхны шөнө” нэртэй элэглэлээ сонирхуулжээ. Загварын сайхан бүсгүй өөрийн анхны шөнийн тухай элэглэж, энгэр задгайлсан нь олны анхаарлыг ихэд татаад байна.
