Дуучин С.Сэрчмаа гэгээн хайрын өдөрт зориулсан тоглолтоо хийнэ
Урлагийн тогоонд өөрийн байрь суурь, орон зайг тодорхойлж, рок поп урлагт 10 гаруй жил хөдөлмөрлөн өөрийн дуу хоолойгоороо өнгө нэмсэн чадварлаг дуучдын нэг нь Дуучин С.Сэрчмаа юм. Тэрбээр өөрийн уран бүтээлдээ ороод зав муутайхан байгаа ажээ. С.Сэрчмаа валентины баяраар тоглолтоо хийхээр болжээ.
Өөрийн гэсэн аз жаргалтай, өнөр бүлийг цогцлоож өдгөө хоёр охины ээж болж халуун дулаан амьдрал цогцлоосон дуучин бүсгүй урлагийн амьдралаас илүүтэй гэр бүлдээ цаг заваа зориулах болсон ч фэнүүд нь түүний уран бүтээлийг шимтэн хүлээдэг хэвээрээ.
Харин дууч бүсгүй хайртай гэр бүл болон дурлалт хосууддаа Валенины баяраар бэлэг барихаар зэхжээ. 2 сарын 14-нд River Sounds Club т болох “Valentines Night” тоглолтонд түүний хит болсон шилдэг хайрын дуунууд эгшиглэх гэнэ.
Өөрийн гэсэн өвөрмөц утга уянгын хит уран бүтээлээрээ үзэгч олондоо хүлээн зөвшөөрөгдсөн уран бүтээлчийн гэгээн хайрын баярт зориулсан уран бүтээлийн тоглолт нь олны хүлээлтэд байгаа ажээ.
