Чөлөөт бөхийн энэ оны ахмадын ДАШТ есдүгээр сарын 28-30-нд Македоны нийслэл Скопье хотод болж өнгөрлөө.
Манай улсаас 20 тамирчин оролцож, 35-40, 41-45 , 46-50, 51-55, 56-60 насны ангилалд өрсөлдсөн байна. Ийнхүү манай тамирчид нэг алт, гурван мөнгө, зургаан хүрэл медаль хүртжээ.
Тодруулбал тэмцээний сүүлийн өдөр 78 кг-ын жинд “Женко” клубийн тамирчин Б.Лхагвадорж мөнгө, 88 кг-ын жинд Орхон аймгийн Хангарьд клубийн тамирчин Б.Содномпил, 130 кг-д Дархан-Уул аймгийн тамирчин, спортын мастер Б.Сүхбаатар нар хүрэл медаль хүртсэн байна.
