Хөнгөн атлетикийн ДАШТ-ий 6 дахь өдөр эмэгтэйчүүдийн бөөрөнцөг түлхэлтийн тэмцээнд болж, уг тэмцээнд БНХАУ-ын тамирчин, 28 настай Гонь Лижиао 19.94 метр зайд түлхэж, тэргүүн байрыг эзэлжээ. Түүний хувьд өнгөрсөн дэлхийн АШТ-д мөнгөн медаль, 2012 оны Лондоны олимпод мөн мөнгөн медаль хүртэж байсан амжилттай. Энэ жилийн дэлхийн аваргын мөнгөн медалийг, Риогийн олимпийн хүрэл медальт Унгарын Анита Мартон, хүрэл медалийг Риогийн олимпийн аварга, АНУ-ын алдарт тамирчин Мишель Картер хүртсэн байна.
