Хүүхэддээ бэлэг сонгох гэж байна уу! НААШАА АНХААР
Хүүхдүүдийн бэлэгний зонхилох хувь нь амттан байдаг. Импортоор орж ирж байгаа хүнсний бүтээгдэхүүнүүд тэр дундаа чихэр шоколадыг жижиглэн савлаж, он сар дууссан бүтээгдэхүүнийг хүүхдийн бэлгэнд боох тохиолдол их байгааг сануулж байна. Тиймээс бяцхан үрсдээ шинэ жилийн бэлэг сонгохдоо болон баярын арга хэмжээ зохион байгуулах зоогийн газраа сонгохдоо чанарын шаардлага хангасан эсэхийг сайтар нягтлахыг анхаарууллаа. Баярын үеэр түргэн хугацаанд мууддаг өндөг болон хүнсний бүтээгдэхүүнүүд хэрэглэхдээ анхааралтай байхыг санууллаа.
Нийслэлийн мэргэжлийн хяналт 12 сарын эхнээс урьдчилан сэргийлэх хяналтын ажил зохион байгуулдаг. Шалгалтаар хүнсний тухай хууль зөрчсөн хаяг шошгын зөрчилтэй, он сарыг нууж нэмэлт дардас наасан тохиолдлууд илэрчээ. Тиймээс иргэдийг баярын хүнс болон, хүүхдийн бэлгээ сонгохдоо нарийвчилан үзэж мэдрэхүйн эрхтэний үнэлэмжээр зөв зохистой сонголт хийж эрүүл мэндээ хамгаалахыг анхаарууллаа.
