Ардчилсан намын дотоод сонгуулийн санал хураалт өчигдөр 22.00 цагт дууссан. Үндэсний бодлогын хорооны гишүүд болон нийслэл, аймаг, дүүргийн намын хорооны дарга нарыг тодруулах дотоод сонгуульд 565 хүн өрсөлдөхөөр бүртгүүлсэн байна.
Сонгуулийн дүнг өнөөдөр 12.00 цагт Төрийн ордонд танилцуулсан юм. Нийслэлийн АН-ын даргад НИТХ-ын дарга асан Д.Баттулга, Үйлдвэр, хөдөө аж ахуйн сайд асан Ш.Түвдэндорж нар өрсөлдөн Д.Баттулга ялалт байгуулжээ.
