Иргэд томоохон зах, худалдааны төвүүд НӨАТ-ын баримт өгөхгүй байна гэх санал, гомдлыг байнга илэрхийлдэг. Тиймээс Татварын ерөнхий газар зарим зах, худалдааны төвүүдийг баримт хэвлэх машинтай болгосон гэнэ. Тухайлбал, “Өгөөмөр”, “Нарантуул” зэрэг захын худалдагч нарын дунд баримт хэвлэх машин суурилуулсан бөгөөд тэд өөрсдийн кодыг ашиглан, иргэдэд баримт хэвлэж өгөх боломжтой аж. Иймээс одоо дээрх захуудаар үйлчлүүлсэн иргэд худалдагчдаас баримт авах боломжтой төдийгүй, хэвлэж өгөхийг шаардах эрхтэй болжээ.
