“Малын эрүүл мэнд” үндэсний хөтөлбөр батлагдсан. Хөтөлбөр нь мал, амьтны гоц халдварт болон халдварт өвчин гарах, тархах шалтгаан, нөхцөлийг хязгаарлах, эрүүлжүүлэх чиглэлээр цогц арга хэмжээ авах, малын өвчнөөр тайван, эрүүл байдлаа дотоод, гадаадад баталгаажуулан хадгалах, иргэдийг эрүүл, аюулгүй хүнсээр, боловсруулах үйлдвэрийг чанартай түүхий эдээр хангаж мал аж ахуйн гаралтай түүхий эд, бүтээгдэхүүнийг экспортлох зорилготой юм.
Мал, амьтны эрүүл мэндийн тухай, Малын генетик нөөцийн тухай хуулиуд мөн “Малын эрүүл мэнд” үндэсний хөтөлбөр батлагдсанаар мал,амьтны гоц халдварт өвчинтэй гарсных нь дараа тэмцэх бус гарахаас нь өмнө урьдчилан сэргийлэх эрхзүйн цогц зохицуулалт бий болж байгаа юм.
