Нүүр хуудас Нийгэм 13 Байгаль хамгаалагч бартаат замын мотоциклтой боллоо

13 Байгаль хамгаалагч бартаат замын мотоциклтой боллоо

189
0
baigali-hamgaalagchid-mototsikltoi-bolloo
13 Байгаль хамгаалагч бартаат замын мотоциклтой боллоо
 ~13 Байгаль хамгаалагч бартаат замын мотоциклтой боллоо~

“Монгол экологи төв”-ийн удирдах зөвлөлийн гишүүн Роберт Макинтошийн дэмжлэгтэйгээр үйл ажиллагаа явуулдаг “Rally For Rangers Foundation” төрийн бус байгууллагаас Алтай Таванбогдын байгалийн цогцолборт газар, Сийлхэмийн нурууны байгалийн цогцолборт газрын 13 байгаль хамгаалагчдад “YAMAHA” маркийн бартаат замын мотоцикль гардууллаа.

Энэхүү мотоцикль гардуулах ёслолыг 2018 оны 08 дугаар сарын 02-ны өдөр Алтай Таванбогдын байгалийн цогцолборт газрын Шивээтхайрхан ууланд зохион байгуулсан бөгөөд тус арга хэмжээнд БОАЖЯ-ны Уур амьсгалын өөрчлөлт, гадаад хамтын ажиллагааны газрын дарга Х.Батжаргал, ТХНУГ-ын мэргэжилтэн Б.Жавзандулам, Баян-Өлгий аймгийн Засаг дарга А.Гылымхан болон гадаад, дотоодын мэргэжилтнүүд, байгаль хамгаалагч нар оролцсон байна.

Энэ үеэр “Монгол экологи төв”-ийн удирдах зөвлөлийн гишүүн Роберт Макинтошийн улсын тусгай хамгаалалттай газар нутгийн захиргааны удирдлага, менежментийг сайжруулах ажилд оруулсан хувь нэмрийг үнэлж аймгийн Засаг даргын нэрэмжит Хүндэт тэмдгээр, мөн Монгол Алтайн нурууны улсын тусгай хамгаалалттай газрын хамгаалалтын захиргааны дарга С.Медеуханыг аймгийн Тэргүүний ажилтан тэмдгээр тус тус шагналаа.

ХАРИУ ҮЛДЭЭХ

Please enter your comment!
Please enter your name here