Хөлбөмбөгийн хамгийн нэр хүндтэй тэмцээнүүдийн нэг болох аваргуудын лигийн 16 багийн тоглолт өнөөдөр /2019-02-12/ эхэлнэ.
Улаанбаатарын цагаар хоёрдугаар сарын 12-оос 13-нд шилжих шөнийн 4:00 цагт шинэхэн дасгалжуулагчаа авснаас хойш хожигдол амсаагүй яваа Английн “Манчестер Юнайтед” клубтэй Францын “ПСЖ” клуб тоглох юм.
“ПСЖ”-ийн шилдэг довтлогчид болох Неймар, Кавани нар гэмтэлтэй байгаа билээ.
Харин нөгөө талд Италийн “Рома” Португалийн “Порто” клубтэй тоглох юм. Эдгээр тоглолтын дараа 14-ний шөнийн 4:00 цагт Английн “Тоттенхэм”, Германы “Боруссиа Дортмунд” клубтэй, Голландын “Аяакс” Испанийн “Реал мадрид” клубтэй тоглоно.
